Ostiralean beteko dira 41 urte GALek Xabin Etxaide zestoarra hil zituela Baionako Monbar hotelean. Harekin batera tiroz hil zituzten Iñaki Astiasuinzarra, Jose Mari Etxaniz eta Agustin Irazustabarrena. Urtemugaren harira, Etxaide oroitzeko ekitaldia egingo dute biharamunean, larunbatean, Zestoan.
09:00etan Ertxina mendira irteera egingo dute, Gurutzetik abiatuta, eta han taldeko argazkia aterako dute. Gero, 13:00etan, plazatik abiatuta kalejiran joango dira herritarrak Etxaideren oroimenezko monolitora. Han egingo diote omenaldia GALek hil zuen zestoarrari.