Zestoako amabirjinak ofizialki larunbat eguerdian hasiko diren arren, Gazte Asanbladako kideak ostiral arratsaldean murgilduko dira jaietan. Txupinazo alternatiboa botako dute 18:00etan, eta, horrekin batera, txosnak zabalduko dituzte.
DJ Lippi ariko da gero txosnagunea girotzen, 20:30etik aurrera, eta mojitoak dastatzeko aukera ere izango da han. Txosnak zabalik egongo dira jaiek iraungo duten egun guztietan.