Azken txanpan sartu dira Aizarnako festak, gaurkoarekin bukatuko baitira. Hala ere, oraindik gelditzen zaizkio egunari ordu batzuk, eta gaurko protagonistak, umeak, gozatua hartzen ari dira eurentzat bereziki antolatutako jarduerei esker.
Udaletxeko balkoitik txupinazoa botata hasi dute eguna, eta jarraian, pare bat orduz, kalaka zurez egindako jolasetan ibiltzeko aukera izan dute. Hamaika eratako jolasak zituzten eskura plazan barrena sakabanatuta, eta eguerdi arte atsegina igaro dute haietan ibiliz. Horren umeak ez diren zenbaitek ere aprobetxatu dute aukera.
Ondoren, sabelak bete eta indarrak berreskuratzeko, bazkaria egin dute han bertan, arratsalde mugitua baitute aurretik. 17:00etan hasita, ginkana egingo dute, eta bukatzeko, 19:00etatik aurrera, dantzaldia izango dute Osto DJarekin. Horrekin bukatuko dira aurtengo Aizarnako festak.
(Argazkiak: utzitakoak)