Zestoan prest dituzte dagoeneko Amabirjin jaietako zekorketak, eta horiek antolatzeaz arduratzen den taldeak kaleratu du kartela. Irailaren 6an eta 8an izango dira aurtengo hitzorduak (18:00), eta bietan Oropesako (Espainia) Adolfo Rodriguez Montesinos ganadutegiko zezenak toreatuko dituzte.
Zestoako zezen plazan egun bakoitzean zein toreatzaile ariko diren ere zehaztu dute. Aurreneko hitzorduan El Juliren eskolako Pedro Gomez izango da –ordezkoa, berriz, Victor Sanchez–; bigarrenean, ostera, eskola bereko Jose Antonio de Graciaren txanda izango da –Jose Huelves izango da haren ordezkoa–.