Datozen egunetarako Zestoako lurretan bi bisita gidatu zituen prestatuta Urola Turismoak, baina bien datak atzeratu egin ditu, gida lanak egin behar zituen pertsonak ezin duelako horretan aritu.
Ondorioz, bihar, asteazkena, Altzolarats bailaran egitekoak ziren bisita abuztuaren 25era atzeratu dute, eta datorren astelehenean, abuztuaren 10ean, San Lorente ermitan egitekoak zirena, abuztuaren 28ra.
Bi bisitetan parte hartzeko ez da ordaindu beharko, baina aurretik izena eman beharko da Loiolako Turismo Bulegora joanda, i-loiola@urolaturismoa.eus helbide elektronikora mezua idatzita edota 943-15 18 78 ala 688 75 94 29 telefonoetara deituta.