Arroabean Karmen jaiak ospatu berri dituzte, eta, orain, Arroagoian hartuko dute festen lekukoa. Hain zuzen ere, ostiraletik astelehenera –uztailaren 24tik 27ra– bitartean gozatu ahal izango dute han Santio-Santana jaiez.
Ostiralean, 20:00etan, botako dute jaien hasierako txupinazoa, eta, gero, trikipoteoa egingo dute. Ohi bezala, gustu eta adin guztietako herritarrentzako ekintzak izango dira festek iraun bitartean: otorduak, musika, kirol ikuskizunak...
Hona hemen festetako egitaraua:
Egitaraua
Uztailak 24, ostirala
- 20:00. Txupinazoa, eta, jarraian, trikipoteoa.
- 21:00. Herri afaria, trikitilariek alaituta.
- 23:30. Obaneuke taldea.
- 01:30. Dantza bikote lehiaketa. Saria: bi lagunentzako afaria.
- 03:00. Patx DJaren emanaldia.
Uztailak 25, larunbata. Santio Eguna
- 12:00. Patata tortilla eta sagardo lehiaketa. Tortillak 11:30erako aurkeztu behar dira.
- Jarraian, esku pilota partidak: Naroa Gastiain-Naroa Salaberria vs Usue Loiola-Laia Gastiain eta Aritz Olaizola-Julen Odriozola vs Xabat Sasiain-Oier Alonso.
- 18:30. Herri kirolak eta Izer eta Alabier trikitilariak. Aizkoran, Hodei Ezpeleta Bihurri eta Joxean Etxeberria; eta harri jasotzen, Udane Ostolaza eta Goenatxo III.a.
- 23:00. Ahantzi taldearekin erromeria.
- 02:00. Indate DJaren emanaldia, goizaldera arte.
Uztailak 26, igandea. Santa Ana
- 11:00. Meza nagusia.
- Ondoren, jubilatuentzat hamaiketakoa eta bingoa, Akulu bertsolariek alaituta.
- 17:00. Apar festa.
- 19.00. Herritarren arteko kirolak.
- 22:30. Argazki proiekzioa, eliz atarian.
- 23:00. Laja eta Lutxurdio trikitilariek alaituta, dantzaldia.
Uztailak 27, astelehena
- 11:00. Gaztetxoen Tolareko Igoera.
- 12:00. Zirku tailerra.
- 14:00. Umeentzako bazkaria.
- 16:30. Ume jolasak. Jolasetarako izen ematea,16:00etan.
- Jarraian, txokolate jana.
- 18:30. Zezen txikiak eta poniak, Tapita ganadutegiaren eskutik.
- Bitartean, Lanberri eta Garixe trikitilariak.