Rodeo taldeak kontzertu akustikoa eskainiko du bihar, ostirala, Zestoako Gaztetxean. 21:00etan hasiko dira Gaztetxe atarian motorrak berotzen; izan ere, mojitoak dastatzeko aukera izango dute bertaratzen direnek, eta horren ondoren eskainiko du Zestoako taldeak emanaldi akustikoa.
Halaber, kontzertuaren ostean, askotariko musikak girotuko du Gaztetxearen ataria, eta bertaratzen direnek gaua giro paregabean igarotzeko aukera izango dute. Zestoako Gazte Asanbladak uztailerako antolatu dituen ekintzetako bat izango da biharkoa.