Kartoiarekin eskulanak egiten dituzten herritarren lanak ikusgai jarriko dituzte gaur eta bihar Alonderon, 18:00etatik 20:00etara bitartean. Parte hartzaileek sormena eta berrerabilpena sustatuz azken hilabeteetan kartoiarekin sortutako askotariko lanak ikusteko aukera egongo da.
Antolatzaileek herritarrak Alonderora gerturatzera gonbidatu dituzte, egindako lanak ikusteko eta kartoiak eskaintzen dituen aukera ugariak bertatik bertara ezagutzeko.