Zestoako Txokoko Txapelketa final laurdenetara iritsi da. Lehiari ekin ziotenean, guztira hamasei bikote ziren, baina orain, zortzi bikotek jarraitzen dute lehian. A eta B taldeak ligaxkak jokatuko dituzte aste honetan eta datorrenean, eta azken fasera iristen direnek uztailaren 3an jokatuko dute finala.
A taldean, bikote hauek lehiatuko dira: Oier-Oier, Jokin-Jon, Aner-Muno eta Ander-Xela. B taldean, bestalde, honako bikote hauek ariko dira: Xaxi-JV, Irure-Liam, Arrita-Kix, Josu-Josu. Talde bakoitzeko bikote guztiek elkarren aurka jokatuko dute datozen bi asteetan, eta onenak iritsiko dira final handira.
Atzo, astelehena, jokatu zituzten final laurdenetako lehen partidak, eta hauek izan ziren emaitzak: Oierrek eta Oierrek 30 eta 20 irabazi zieten Munori eta Anerri, eta Xabatek eta JV-k 30 eta 18 Arritari eta Kixkurrari.