N-634 errepidean, Arroabetik Itziarrerako norantzan, errepide ondoko horma konpontzeko lanekin hasi da Eusko Jaurlaritzaren Eusko Trenbide Sarea. Martxoaren 17an erori egin zen horma zati hori, eta urgentziazko egonkortze lanekin hasi dira gaur.
Obra horiek tarteko, Arroabetik Itziarrerako bidean, 31.160 kilometro puntuan, semaforoa jarri dute, trafikoa txandaka bideratzeko eta lanak segurtasunez gauzatzeko. Obrak hiru hilabeteko epean amaitzea aurreikusten dute.