Zestoako Udalak herriko kasko historikoa itxiko du aurtengo udan ibilgailuentzat. Datorren astelehenetik irailaren 30era arte ezarriko du erakundeak debeku hori. Dena den, zamalanetarako-eta zabalik izango da Alde Zaharra zenbait orduz. Astegunetan, 07:15etik 14:00etara irekita egongo da, baina ordu horretatik aurrera itxi egingo dute egunero.
Udalak azaldu duenez, neurri horren bidez oinezkoei lehentasuna ematea, herrigune historikoa biziberritzea eta haurren segurtasuna bermatzea lortu nahi dituzte.