Santa Kutz egunaren eta Zestoako jaien ondorengo asteburuan ospatuko dituzte aurten santakutzak Ibañarrietan.
Hiru hitzordu jaso dituzte aurtengo festa egitarauan. Horrela, zapatu arratsaldean egingo dute Ibañarrietako jaien ikur bihurtu den zapo jokoa, eta horixe izango da maiatzaren 9ko hitzordu bakarra. Igandean, berriz, mezarekin hasiko dute eguna, eta horren ondoren izango da jaien azken ekitaldia, herri kirol erakustaldia: Jon Unanue Goenatxo III.a eta Xabier Aranburu Guzta ariko dira harri jasotzen; eta aizkoran, Mikel Larrañaga eta Eneko Otaño.
Egitaraua
Maiatzak 9, larunbata
- 19:00. Zapo jokoa, Urtain plazan.
Maiatzak 10, igandea
- 12:00. Hitzaren liturgia elizkizuna, Santo Kristo ermitan.
- 13:00. Herri kirol erakustaldia, Urtain plazan.