Danbor hotsek hartuko dute Zestoa asteburuan, maiatzeko lehen asteburuarekin bat eginez ospatuko baitituzte santakutzak. Larunbat gaueko helduen danborrada eta Santa Kutz egunaren arratsaldeko umeen danborrada izango dituzte hitzordu nagusiak, eta helduak dagoeneko hasi dira motorrak berotzen.
Hain zuzen ere, atzo iluntzean egin zuten aurreneko entsegua, 20:00etan hasita, kiroldegiko aterpean, eta gaur eta bihar egingo dituzte beste biak. Atzo bezala, bihar ere, bandarekin egingo dituzte entseguak; gaurko saioa, berriz, megafoniarekin egingo dute.