Malen Etxea emakume migratzaileen elkarteak hamabost urte daramatza Zestoan lanean, eta taldeak herrian egin duen ibilbidea kontatzeko hitzaldia antolatu du Zahartzaroa Zainduz Zestoan elkarteak (3Z) datorren asteazkenerako.
Malen Etxea: 15 urte Zestoan izenpean, Silvia Carrizo elkarteko kideak eskainiko du hitzaldia, 18:30ean, Alonderon, eta azken urteetan Zestoan egindako lana izango du hark hizketagai. Izan ere, etxeko langile egoiliarren eskubideen alde lan egiten duen elkarteak haientzako harrera etxeak ditu, besteak beste, Zestoan.