Azaroaren 25eko Indarkeria Matxistaren Kontrako Egunaren atarian antolatutako bigarren hitzordua izan zuten atzo Alonderon. Zestoako Mugimendu Feministak antolatuta, EHko genealogia indarkeriari eta protokoloei dagokienean eta egungo aurrerapauso eta korapiloak hitzaldia eman zuen Bilgune Feministako Elene Lopetegik, Euskal Herriko mugimendu feministak indarkeria matxistari aurre egiteko estrategietan izandako bilakaera hizpide hartuta.
Azaroaren 25ean bertan, datorren asteartean, 18:30ean plazatik abiatuta egingo duten manifestazioa izango da Zestoako Mugimendu Feministak deitutako hurrengo ekintza.
Gaur, Zarautzen
Lopetegi, berriz, Zarautzen izango da gaur, Lerroarte literatura txokoaren saioan.
Garen piztiaz beste. Hitz egin liteke transfeminismoaz? liburua ondu du, Iñi Etxezarretarekin batera, Lopetegik, eta biak izango dira Arranoko bunkerrean, 18:30etik aurrera, liburua aurkezten.