Urriko azken egunean, kalabazak eta arropa beldurgarriak soinean, Arimen Gaua ospatu dute hainbat herritarrek Zestoan. Lehenik, 17:00etan hasita, eskulanak egin dituzte Barbantxon, LH1 eta LH2 mailetako ikasleekin. Ondoren, aurpegiak margotu dituzte kiroldegiko aterpean, eta dena prest zutenean, kalejira isila egin dute kandelekin, hilerritik abiatuta. Amaitzeko, udaletxe azpiko arkupeetan bideo emanaldia izan da eta abestiak kantatu dituzte, eta eguna borobiltzeko, gaztaina erreak jan dituzte.