Haztamuka (2016) eta Isiltasuna josi (2022) liburuen ostean, Hitzen aterpean poemarioarekin trilogia itxi berri du Lluisa Etxeberriak, eta Bartzelonako bizilagunak jaioterrian, Zestoan, aurkeztu du liburua gaur eguerdian. Nerea, Ane eta Garikoitz Mendizabal, Agurtzane Auzmendi, Aitor Furundarena eta Fermin Etxeberria izan ditu lagun Kultur Etxean egin duten saio "berezian". Nola ez, azken liburuan jaso dituen hainbat poema errezitatu ditu Etxeberriak berak dozenaka herrikideren aurrean, eta gainontzekoek musikaz jantzi dute saioa.