Zapatuan, Zestoako festen aurreko asteburuan ospatzen duten Gazte Egunean, 38. Ondarbasoko igoera jokatuko dute, eta Agiro Mendi Taldeak txirrindulariak animatzeko irteera antolatu du egun horretarako. 09:30ean abiatuko dira Gurutzetik oinez Izarraitzen magalean dagoen baserriraino.
Erlojupeko proban parte hartuko duten txirrindulariak 11:00etan abiatuko dira Zestoako plazatik, eta hiru kilometroko igoera gogorra egin beharko dute lasterketa Ondarbason bukatzeko.