Zestoako Amabirijin festak irailaren 5etik 8ra ospatuko dira aurten, eta egitarauaren azala aukeratzeko lehiaketa jarri du martxan udalak. Lehiaketarako lanak aurkezteko azken eguna uztailaren 30a izango da, eta sari bezala 250 euro banatuko du erakundeak.
Parte-hartzaileek Zestoan erroldatuta egon beharko dute, eta gehienez hiru lan aurkez ditzakete udal bulegoetan. Lan bakoitzarekin, egileak bere datuak eta Nortasun Agiriaren zenbakia idatzi beharko ditu orri batean, eta horiek gutun-azal batean aurkeztu beharko ditu. Lanaren atzean ere Nortasun Agiriaren zenbakia zehaztu beharko du egileak.
Lanek jatorrizkoak, argitaratu gabeak eta saritu gabeak izan beharko dute. Azalak 21x21ko neurria izan beharko ditu, eta Zestoa Festak 2025 edo Zestoako Festak 2025 testua izan beharko du. Epaimahaia hainbat batzordeetako kideek osatuko dute.