Ekain guraso elkarteak zabaldu zuen Zestoako haur-parkeko horma elkarlanean margotzeko deia, eta herritarrek fin erantzun diote deialdiari: bi egunetan, asteazken eta ostegunean, haur zein helduek pintzelak hartu dituzte eta kolorez jantzi dute kiroldegi parean dagoen pareta.
Horma-irudiaren diseinua Garazi Larrañagak egin du, eta berea izan da margoketaren ardura. Euskararen aldeko mezua jasotzen du margoketak, eta haurrak ditu protagonista.
