Auzo(p)lana egitasmoaren bigarren saioa egin zuten igandean Iraetako Amillubi baserrian. Euria ari zuela eta, ezin izan zituzten lur lanak egin han bildutakoek, baina hango azpiegiturei lotutako lanak egiteko aprobetxatu zuten goiza, baita maiatzaren 10ean ospatuko duten jaia prestatzeko ere. Izan ere, Udaberriko Festa egingo dute Amillubin egun horretan, eta egitaraua datozen egunetan zabalduko badute ere, festa iragartzeko argazkia atera zuten antolatzaileek atzo.
Horrez gain, sendabelarrei buruzko tailerra egin zuten Amillubin elkartu zirenek. Zehazki, begetalak lehortzeari buruzko saioa egin zuten.
