Ostiral iluntzeko giro epelean, Patxi Saiz getariarraren kontzertuaz gozatu zuten Zestoako hainbat bizilagunek Portale kulturguneko terrazan.
Saizek iazko urtearen hondarrean kaleratu zuen Kantatzen duen herria gara lana, hamairu urteko etenaldi baten ondotik. Musikari getariarrak euskal kantagintza tradizionala jorratu du bere ibilbidean, eta hala egin zuen atzo 19:00etan eskaini zuen emanaldian ere.
