Aurrez motorrak berotzeko hainbat ekintza egin ostean, atzo, larunbatez, ospatu zituzten inauteriak Zestoan. Eguerdi partean, Zestoako Batukada eta Ertxiña musika eskolako haurren kalejira izan ziren, eta, arratsaldean, berriz, umeen mozorro desfilea udaletxeko arkupeetan, Gaztelekuak antolatuta. Askotariko mozorroak eraman zituzten herritarrek soinean, eta, ondoren, sari banaketa egin zuten. Iluntzean, Ustekabe txarangak alaitu zituen kaleak.