Zestoako Udalak 2024-2025 ikasturtearekin batera jarri zuen martxan nerabeekin eta nerabeentzako parte hartze prozesua, eta horren barruan, hainbat batzar egiten ari da. Oraingoan, nerabeen gurasoei eta herriko eragileei zuzendutako bilkura bana deitu du erakundeak. Hain zuzen, ostegunean, hilaren 27an, jarri dituzte hitzorduak. Aurrena, nerabeen gurasoei zuzendutako bilera egingo dute, 18:00etan hasita, Gaztelekuan bertan. Ondoren, 19:00etan, herriko eragileei zuzendutako batzarra egingo dute.
Nerabeentzako parte hartzeko prozesuaren nondik norakoak azalduko dituzte hezitzaileek. Horrez gain, orain arte egindako lana nahiz aurrerantzean prozesuaren barruan egingo dituzte urratsak izango dituzte mintzagai.