Abenduaren 24ean, Gabon egunean, Gabon kantekin alaituko dituzte kale eta baserriak Arroabean. Hain zuzen ere, egun horretan txukun eta ozen abestu ahal izateko, Gabon kantak entseatzeko hiru saio antolatu dituzte datozen egunetarako. Gaur, datorren asteartean eta hilaren 17an egingo dituzte entsegu horiek, 17:00etan. Gaurko entsegua Saltogelan egingo dute, eta hurrengo biak Elkargunean. Jakinarazi dutenez, 30 minutuko saioak izango dira.
Halaber, Gabon egunaren ondoren, abenduaren 29an, Zestoako San Juan eta Gisasola egoitzetara joango dira abestera eta bertako adinekoei opari bana ematera. Antolatzaileek herritar oro Gabon kantetan parte hartzera gonbidatu dute.