Ertzetara kultur ekintzen barruan, Sara Zozayaren kontzertua izango da irailaren 29an, igandean, 18:00etan, San Joango plazatxoan.
"Egungo musika eta kultur eskaintza ertzetako pertsonentzako eta kolektiboentzako irisgarriagoa" izateko asmoz abiatu zuten Ertzetara kultur ekintzen egitasmoa uztailaren 5ean, Janus Lesterren kontzertuarekin. Horregatik, San Joan egoitza eta inguruak aukeratu dituzte Ertzetarako ekintzak egiteko: "Adinekoen egoitzako erabiltzaileek ere kontzertuaz gozatzeko aukera izateko". Halaber, igandea "alaitzea" ere bada asmoa. Kultur ekintzen ordutegia, berriz, gurasoek eta umeek ere emanaldiaz "disfrutatu" dezaten hautatu dute.