Asteazkenean lehendabiziko txupina aireratu zutenetik, festak ez du etenik Aizarnan, eta atzo, jaietako hirugarren egunean, Umeen Eguna ospatu zuten. Goizean txupinazoa botata eman zioten hasiera eguneko egitarauari, eta ondoren, jolasak egin zituzten. Eguerdi partean, berriz, umeek eta haien gurasoek elkarrekin bazkaldu zuten, eta bazkalostean, eguraldi bikaina lagun, ginkana egin zuten. Txokolatadan indarrak berreskuratu ostean, Adabaki taldeak eskainitako ikuskizuna izan zuten gozagarri, eta eguna borobiltzeko, Patx DJaren saioa izan zuten.
Gaur, larunbata, agurtuko dituzte aurtengo amabirjinak Aizarnan, eta honakoa da prestatuta duten egitaraua:
Gaur, larunbata
- 11:00. Ume eta gaztetxoen krosa.
- 12:00. Paella prestaketa.
- Ondoren, oilasko biltzaileen dantza plazan.
- 15:00. Bazkaria herrikoia, paella jana.
- Ondoren, oilasko biltzearen amaiera.
- 23:00- 03:00. Davila DJa.