Uztapide plazaren ondoko parkean amaitu dituzte lanak, eta haurrek dagoeneko gozatu dezakete jolasgune berriaz. Ohe elastikoa, mahai jolasak, kamioa eta beste hainbat jolasez hornitu dute parkea, eta joan den larunbatetik, hilaren 27tik, dago zabalik.
Uztapide plazaren ondoko parkea aurrekontu parte hartzaileetan hautatutako proiektuetako bat da, eta udalak haurrentzat eta haien familientzat "espazio erakargarriagoa" eskaintzeko helburuarekin berritu du.