Auto baten eta autokarabana baten arteko istripua izan da 16:50ean, GI-631 errepidean, Arroatik Iraetara arteko tunelaren irteeran, Zestoarako norabidean. Ertzaintzak jakinarazi duenez, ezbeharraren ondorioz, 95 urteko emakume bat hil da; autoan zihoan hildako emakumea. Horrez gain, beste bost lagun zauritu dira ezbeharrean, eta horietako hiru Donostiako Unibertsitate Ospitalera eraman dituzte.
Istripuaren ondorioz errepidea itxita egon da, baina 18:45etik zabalik dago. Istripuaren tokira bertaratu dira hiru anbulantzia, Osakidetzaren helikopteroa, suhiltzaileak, ertzainak eta errepideen mantentze lanez arduratzen diren beharginak.
Ertzaintzak ikerketa abiatu du istripua zerk eragin duen argitzeko.