Lau antzezlan eta antzerki tailer bat antolatu ditu aurtengo Zestoako Antzerki Asterako Eromen produkzioakek. Ekainaren 24tik 29ra bitartean izango da. Antzezlanak ikustera joateko sarrerak, berriz, bihartik jarriko dituzte saltzen. Bihar larunbata eta etzi igandea kalean jarriko dute sarrerak saltzeko postua. Ekainaren 4tik aurrera, berriz, Zestoako Turismo Bulegoan edota Internetez Entradium.com webgunean eskuratu ahalko dira.
Sarreren kontuan hainbat azalpen eman dituzte Zestoaren Antzerki Astearen antolatzaileek: antzerki asteko lau antzezlanak ikusteko bonuak 22 eurotan erosi ahalko dira Turismo Bulegoan. Pertsona bakoitzak gehienez bost sarrera erosi ahalko ditu eta 18 urtetik beherakoek %50eko deskontua izango dute. Turismo Bulegoan sarrera erositakoan eskuz ordaindu beharko da.
Egitaraua:
- Ekainak 24, 25 eta 26. Sorgin baratza antzezlana, Eromen produkzioaken eskutik. 21:30ean Lili jauregian. Sarrera 8 euro.
- Ekainak 27, osteguna. Gure xaharrak antzezlana, Bonbon Beltz antzerki taldearekin. 20:30ean, Caravan Parken. Sarrera 8 euro.
- Ekainak 28, ostirala. Putaren bakarrizketak eroetxean, Garaion Sorgingunea eta Manvcodiataren eskutik. 20:30ean, Caravan Parken. Sarrera 8 euro.
- Ekainak 29, larunbata.
* 12:00-14:00. Tailerra: Nola sortu istorio txikiak. Gazte eta helduentzat. Caravan Parken. Doan da.
* 19:30. Katagorriaren elezaharra (Companyia de Comediants La Baldufa). Caravan Parken. Sarrera 8 euro.