Pazko Jaiak ospatuko dituzte larunbatean, hilaren 18an, Aizarnan, eta egun osorako egitaraua prestatu dute haurrentzako zein helduentzako jarduerekin. Gainera, antolatzaileek baserritarrez janzteko deia egin diete Pazko Jaiez gozatzera joango diren guztiei.
Urtero legez, artisauen postuek hartuko dute plaza goizean, eta horrez gainera, haurrentzako ekintzak ere egingo dituzte.
Eguerdi partean, berriz, trikitilariek girotuko dute auzoa, eta nahi duenak txekorra eta sagardoa dastatzeko aukera ere izango du. Horrez aparte, egun osoan zehar Berrerabilitako materialekin sorkuntza erakusketa ikusi ahal izango da Anbuko zelaian.
Honakoa da Pazko Jaien larunbateko egitaraua:
- 11:00. Artisau postuak plazan.
- 11:30. Haurrentzako ekintzak.
- Eguerdian, trikitilariak giroa alaitzen.
- 14:30. Txekorra eta sagardoa txotxetik.
- 18:00. Jolasak.
- Egun osoan zehar, erakusketa Anbuko zelaian.