Zestoako AEK-k Korrikaren aldeko txotxa antolatu du bihar arratsalderako. 19:00etatik aurrera, TxarangEroak txarangak alaituko ditu Zestoako kaleak, eta 21:00etan, txotxa zabalduko dute udaletxe azpian. Sagardoaz gainera, patata tortilla, txorizoa, gazta eta menbrilloa, postrea eta kafea dastatzeko aukera ere izango dituzte joaten direnek.
Korrikaren aldeko txotxera joan nahi dutenek sarrerak salgai dituzte Koiote tabernan eta AEK-n.