Inauteri giroan murgildu da Zestoa gaur arratsaldean. Hain zuzen ere, ohikoa den moduan, 18:00etan hasita, umeen mozorro desfilea egin dute udaletxeko arkupeetan, Gaztelekuak antolatuta. Amaitzean, epaimahaiak mozorroak baloratu ditu, eta sariak banatu dizkie aurtengo jantzi politenen jabeei. Horrez gain, hainbat zozketa egin dute parte hartzaileen artean. Askotariko mozorroak ikusi ahal izan dira gaurkoan, eta giro ederra sortu da. Ondoren, Fulana DJak jarri du musika.