Urtea amaitzear da, eta Zestoan ere San Silbestre lasterketa korrituko dute urteko azken egunean, abenduaren 31n, 17:00etan. Izena emateko aukera egunean bertan izango dute parte hartzaileek, 16:00etatik 16:45era bitartean.
Herritarrak hiru mailatan banatuko dira, adinaren arabera: 10 urte bitartekoak (200 metro), 11 eta 15 urte bitartekoak (kilometro bat) eta 16 urtetik gorakoak (hiru kilometro). Izen-ematea doakoa izango da eta antolatzaileek jakinarazi dute amaieran oparia jasoko dutela korrikalari guztiek, lasterketa irabazi ala ez irabazi.