Zestoa Osasuntsu egitasmoaren barruan ibilaldi luzea egingo dute bihar. Hainbat ekintza egin dituzte dagoeneko programaren harira; hala nola Zestoako aztarnategira ibilbide gidatua, barreterapia saioa eta bertako hosto bildumaren erakusketa.
Horrenbestez, bihar 08:50ean elkartuko dira Zestoako kiroldegiaren aurrean, 09:00etan Zumaiarako autobusa hartzeko. Behin iritsita, zortzi kilometroko ibilaldia egingo dute bertan eta 12:00etan hartuko dute bueltako autobusa. Itzultzean hamaiketakoa egingo dute elkartu direnen artean.