Zartaginak, mailuak eta bestelako musika tresnak astinduz kalera irten ziren atzo arratsaldean Ertxiña musika eskolako kaldereroak, Ostegun Gizenarekin batera eta ohi dutenez, Zestoan inauterien hasiera iragarriz.
Musika eskolako kaldereroen kalejira izan da aurten ere festen iragarlea, eta bihar, berriz, mozorroen txanda iritsiko da. Hau da Zestoan inauteen larunbaterako prestatu duten egitaraua:
12:00-14:00. Zestoako Gazte Txaranga.
17:30. Umeen desfilerako izen ematea, udaletxeko arkupeetan.
18:00. Umeen mozorro desfilea, udaletxeko arkupeetan, Gaztelekuak antolatuta.
20:00. Olaberri DJa, udaletxeko arkupeetan.
23:00. Olaberri DJa, udaletxeko arkupeetan.