Hainbat zelai putzuz beteta egon arren, maila handiko partidak izan dira 82. Hondartzako Futbol Txapelketako hirugarren jardunaldian. Narrosetik Borghettoko kantinara bitartean, senior mailako 40 taldek hogei norgehiagoka jokatu dituzte 09:00etan hasita.
Dena den, hasitako neurketa guztiak ez dira amaitu; izan ere, Ulacia Bidaiak eta Izar Optika taldeen arteko lehia atzeratu egin dute jokalari baten lesio larria tarteko. Gainontzekoan, emaitza askotarikoak izan dira, onerako eta txarrerako, baina jardunaldiko gol festa nabaria izan da.