Hainbat tabernak hartuko dute parte larunbat honetan ospatuko den Gau Beltzean. Zarauzko Turismoaren laguntzarekin, Zurekin Ostalarien Elkarteak ekimen berri hau jarri du martxan. Tabernen arteko lehiaketa bat izango da, eta negozioak Gau Beltzean murgilduko dira lokalak apainduta eta langileak mozorrotuta. Azaroaren 2tik 6ra bitartean jakingo da zein tabernak irabazi dituen 200 euroko Zurekin bonua eta diploma.
Ekimenaren parte izango dira Itsas-Lur, Gau-Txori, Arkupe Berri, La Perla, Txiki Polit, Mauka, Zazpi eta Marmol tabernak. "Gau Beltza gure ohitura da, eta Zarautz osoak bizitzea nahi dugu. Zarauztar guztiei egiten diegu gonbidapena festarekin bat egitera: kalera ateratzeko, mozorrotzeko eta parte hartzen duten tabernetatik pasatzeko" aldarrikapena azpimarratu dute elkarteko kideek.
Itsas-Lur, Gau-Txori, Arkupe Berri, La Perla, Txiki Polit, Mauka, Zazpi eta Marmol tabernak izango dira ekimen berri honetan parte hartuko dutenak. Zurekin Zarauzko Ostalarien Elkartearen ekimenez, Zarautz Turismoaren laguntzaz, ostatu apainduenari eta girotuenari 200 euroko saria emango diote.
Gaurko ametsak biharko albiste izan daitezen, beharrezkoa dugu zure babesa.
Egin bazkide
Egin bazkide