Bikote Gazteen Dantza Txapelketa jokatu zuten zortzi dantzari parek atzo arratsaldean, Lege Zaharren Enparantzan. Eguraldia lagun, herritar mordo bat hurbildu zen plazara dantzaz gozatzera, eta bikoteek arin-arina eta fandago pieza bana dantzatu zituzten. Erakustaldi bikaina eskaini zuten gazteek, eta June Aguado billabonarrak eta Ibai Izagirre segurarrak eskuratu zuten garaipena. Horrez gain, jantzi egokienaren saria ere bereganatu zuten.
Elene Astiazaran eta Laiene Ezama azpeitiarrak sailkatu ziren bigarren, eta Naroa Del Rio tolosarra eta Aner Lasa zizurkildarra hirugarren. 12 urte artekoean artean, ongien sailkatutako bikotea Hegoa Etxeberria azpeitiarra eta Aritz Atxukarro errezildarra izan ziren.
Euskal dantzen inguruko Euskal Asteko lehiaketak bihar bukatuko dira, Aurresku Txapelketarekin. Eguerdian jokatuko da, 11:30ean hasita, Lege Zaharren enparantzan, eta hamabi dantzarik hartuko dute parte.