Oporrak Bakean ekimenaren barruan, uztaila eta abuztua euskal familietan igaro duten haur sahararrei agur ekitaldi hunkigarria egin zieten igandean Lasarte-Orian (Gipuzkoa). Bertan, Porrotx pailazoak eta Josu Txapartegi Txapas musikariak hartu zuten parte, eta haurrei aurreskua eskaini zieten dantzariak ere zarauztarrak izan ziren. Ekitaldian, maitasunaz gain, askatasuna eta bakea aldarrikatu zituzten elkarrekin.
Euskara eta kantua oinarri hartuta, udan zehar beste elkartasun ekimen batzuetan ere hartu dute parte Porrotxek eta Txapasek. Euskarabenturako gazteei ongietorria egin zieten uztailaren bukaeran Zarautzen, eta haiekin irriak, baloreak eta koloreak partekatu zituzten.