Uda amaitzen ari den honetan, Zarata Zarautz kolektiboak antolatutako Metalpunk gaua ospatuko dute etzi Hiruputzu gaztetxean. Sons of decay black-trash-death talde donostiarra eta death metal mekanikoa jotzen duen Molykote talde bilbotarra igoko dira agertokira lepoa astintzeko gogoz.
Halaber, talde sorpresa batek ere girotuko du gaztetxea. Lehen kontzertua 21:00etan hasiko da, eta ateak ordubete lehenago zabalduko dituzte.