Sare sozialetan iragarri duenez, harria jasotzeari utziko dio Ainitze Zumetak (Zarautz, 1991). Bizkarreko arazoak tarteko, azken boladan ezin izan du parte hartu lehietan nahiz erakustaldietan, eta denboraldi batez, gutxienez, utzi egingo du herri kirol jarduna.
2022an hasi zen Zumeta harri jasotzen, eta hainbat balentria egin ditu lau urteotan. Mota guztietako harriekin ondo moldatu izan da, eta txapelak ez ezik, markak ere lortu ditu. Besteak beste, 2023an Uliako Harria lehia irabazi zuen, eta ordura arte Karmele Gisasolak ezarria zuen marka hobetu ere bai; 2024an Euskal Herriko txapela irabazi zuen; eta bitan irabazi du Zarauzko Bi Harri txapelketa, 2024an eta 2025ean, hurrenez hurren.