Zarautz Kantuan kantujira saioa egingo dute bihar eguerdian herriko kaleak alaitzeko asmotan. 12:00etan Lege Zaharren Enparantzatik abiatuko dira, eta erdiguneko kaleetan ibiliko dira euskal abestiak kantatuz.
Udalak jakinarazi du Izarra Aristi eta Mertxe Isasti izango direla zuzendari biharkoan, eta Zarauzko Txistulariak arituko direla musikari lanetan. Herritar guztiak gonbidatu dituzte taldean kantatzera.