Amenabar Zarautz eskubaloi taldea hasi da datorren denboraldirako prestatzen, eta atzo jakinarazi zuen Mikel Agirrezabalaga Kapaxko-k segituko duela taldea gidatzen. Haren alboan ariko da David Agirrezabalaga anaia.
Joan zen denboraldian egin zuen Amenabar Zarautzera jauzi Kapaxkok, eta denboraldi bikaina gauzatuta, taldeak Zilarrezko Ohorezko Mailara itzultzea lortu zuen. Beraz, maila horretan ariko da Zarauzko taldea 2026-27 denboraldian, eta Agirrezabalagak segituko du gidari lanetan.
Kluba buru-belarri dabil taldea osatzeko lanetan, aurki ekingo baitie prestaketei. Dagoeneko hasi da taldeko jokalarien mugimenduen berri ematen Amenabar Zarautz, eta lan nahiz ikasketa kontuak tarteko, taldean segituko ez duen jokalarietako bat izango da Julen Eizagirre.