Jubenil mailako emakumezkoen Munduko eskubaloi txapelketa jokatuko dute Errumanian uztailaren 29tik abuztuaren 9ra bitartean. Ohi bezala, Zarauzko hainbat jokalari ikusteko aukera izango da bertan. Hain justu ere, Nagore Alza, Elene Fresco eta Nora Merino arituko dira bertan Espainiako selekzioarekin. Alzak eta Merinok ZKEko eskubaloi klubean jokatzen dute eta, Frescok, berriz, Bera Beran.
Asteburuan Ciudad Realen (Espainia) Munduko txapelketa prestatzeko hainbat partida jokatu ostean, etxean dira hiru zarauztarrak, baina denbora laburrerako. Izan ere, ostegunean hasita, Munduko txapelketara behar bezala iritsi ahal izateko entrenamendu saio batzuk egingo dituzte Granollersen (Herrialde katalanak).
Munduko txapelketa, berriz, Errumanian jokatuko dute, uztailaren 29tik abuztuaren 9ra bitartean. Espainiako selekzioa C multzoan lehiatuko da, Alemaniaren, Ginearen eta Uzbekistanen aurka.