2019. urtean eman zuen Mugan taldeak bere lehen kontzertua. Ordutik, batera eta bestera ibili dira, kontzertu ugari eskainiz. Arranopolan, ordea, gaur izango dira lehen aldiz. Talde donostiarrak bere hirugarren diskoa kaleratu berri du, Bizitza ozen denean deitua. Hura aurkezten jardungo dira gaurko Arranopolan. Hiruko formatu akustikoan eskainiko dute kontzertua donostiarrek, eta antolatzaileek nabarmendu dutenez, "ahotsak, intentsitatea eta txikitasunaren indarra" dira, besteak beste, Mugan taldearen kontzertuetan gehien nabarmentzen diren elementuak.
Pasa den asteko Arranoko gitarra jotzaileen kontzertuaren gisan, gaurko Mugan taldearen kontzertua ere 20:00etan hasiko da, Arrano tabernaren kanpoko agertokian. Aurtengo Arranopolako bigarren kontzertua izango da gaur Mugan taldeak eskainiko duena.