Duela egun batzuk Bixente Tximo arrantzalearen brontzezko bustoa desagertu zen. Artelana Zarautz eta Getaria arteko itsas pasealekuan aurkitzen zen, lehenengo tunelaren ondoren. Harrizko idulki batean zegoen bustoa eta, zehazki zer gertatu den inork ez badaki ere, lapurreta bat izan dela dirudi.
Bixente Tximo arrantzalearen bustoa Julio Beobide artista zumaiarrak egin zuen. 1996. urtean Zarauzko Udalak Beobide familiari erosi zion brontzezko eskultura eta, hasiera batean Zarauzko malekoian egon bazen ere, gerora Zarautz eta Getaria arteko itsas pasealekura mugitu zuten.