Markel Errasti gazteak Bidasoa Irun taldean jokatuko du datozen hiru denboraldietan. Zarautz Kirol Elkartean maila altua erakutsi ostean, Asobal ligako talde onenetako batera egingo du jauzi Errastik. Irungo taldeak adierazi du zarauztarra lehenengo eta bigarren taldeetan arituko dela.
Irungo taldeak jakinarazi duenez, Errasti bere "aldakortasunagatik" nabarmentzen da, "erdian zein hegalean" jokatzeko gai baita. "Jokoaren egoera ezberdinetara egokitzeko duen gaitasunak, bere talentuarekin eta etorkizun oparoarekin batera, klubaren etorkizunerako balio handiko fitxaketa bihurtzen dute", gaineratu du.