Xirula Mirula musika eskola ikasturte honen amaieran itxiko dute, Joxean Urbietak erretiroa hartuko duelako. Azken urteotan Imanol Urbietaren semeak gidatu du Donostiako Amara Berri auzoko eskola, haren aitak 70ko hamardakaren hondarrean haurrei musika euskaraz irakasteko sortutako metodoari fidel.
Zarautzen sortu zuen lehen musika eskola, eta bertan ondu zuen Xirula Mirula metodoa, ondoren Astigarraga, Hernani eta Donostiako Martutene eta Loiolako auzoetara eramango zuena. Xirula Mirula grabaketa estudioa eta musika eskola 1983an zabaldu zuten Amara Berrin; bertan grabatu zituzten diskoak. Gainera, musika ikasteko tokia izateaz gain, euskararen arnasgune ere bazen.
Joxean Urbietak Berria egunkariari adierazi dionez, nahiz eta musika eskola itxi egingo den, metodoak ez du erretirorik hartuko: "Xirula Mirularen etorkizuna irakasleek nahi dutenaren araberakoa da".