Zarauzko Udalak aste honetan jarri ditu martxan Aresti eta Mendilauta kaleen berrurbanizazioa gauzatzeko lanak. Lehiaketa publiko bidez erabaki da lanak Construcciones Zubieder S.L enpresari esleitzea, 646.470,21 euroko (BEZ barne) aurrekontuarekin, zehazki.
Lan hauen barruan, Aresti kalea berrurbanizatuko dute, baita Mendilauta kalearen zati bat ere, bertako azpiegiturak hobetzeko. Hori horrela, lanak gauzatzeko epea lau hilabetekoa izatea aurreikusi dute, eta bitartean, oinezkoen eta ibilgailuen pasabidea itxita egongo da.